2024-жылдын 13 майында АЭУда Вольфганг Аулицки – Австриянын Зальцбург шаарындагы Open Medical Institute (OMI) негиздөөчүсү жана директору менен жолугушуу өттү.
Жолугушуунун жүрүшүндө OMI негиздөөчүсү АЭУнун Медицина факультети менен таанышып, ошондой эле жергиликтүү дарыгерлер OMI семинарларына кантип катышса болору тууралуу конок лекция өткөрдү. Суроо-жооп сессиясында катышуучулар көптөгөн суроолорду берип, эксперттен пайдалуу фидбэк алышты.
Мындан тышкары Республикалык илимий урология борборуна барып, урология ассоциациясынын жетекчиси жана мүчөлөрү менен жолугушту. Кыргызстанда урологиянын өнүгүшү тууралуу талкуулар болду. АЭУ Вольфганг Аулицкиге иш-сапары жана конструктивдүү диалог үчүн ыраазычылык билдирет!
