2024-жылдын 28-мартында АЭУда профессор Ибрагим Кончак, Эл аралык мамилелер кафедрасынын башчысы Айкерим Сагынбекова жана аталган кафедранын 1 жана 4-курстарынын студенттери тарабынан уюштурулган “Кыргызстандагы Туруктуу өнүгүүнүн максаттарына жетүү: чакырыктар жана перспективалар” аттуу студенттик конференция болуп өттү.
Конференцияда туруктуу өнүгүүнүн ар кандай аспектилери, анын ичинде климат, тышкы саясат, экономикалык кризистер, теңсиздик жана жасалма интеллект талкууланды. Катышуучулар коомдун ар кандай чөйрөлөрүндө Кыргызстанда туруктуу өнүгүү максаттарына кантип жетүү боюнча өз изилдөөлөрүн, долбоорлорун жана идеяларын сунушташты. Конференция жаш лидерлерди туруктуу өнүгүүнүн негизги аспектилерин талкуулоо үчүн чогултуп, ар кайсы тармактардан жана университеттерден келген студенттердин катышуусу диалогдун жана ой алмашуунун мыкты платформасын түздү. Бул иш-чара жаштардын өлкөнүн туруктуу келечегин түзүүгө активдүү катышууга чечкиндүүлүгүн тастыктайт. Конференция академиялык дискуссиялар үчүн гана эмес, инновациялык чечимдерди жана өнүгүү стратегияларын киргизүүгө даяр активдүү жаш лидерлердин тармагын түзүү үчүн да аянтча болду. Конференциянын уюштуруучуларына жана бардык катышуучуларга ыраазычылык билдиребиз.
Сүрөт отчету:
