2024-жылдын 5-декабрында саат 13:00дө АЭУнун Филология кафедрасы ELL23 A, ELL 23 B, ELL 24 A, ELL 24 B, ELL 24 C группаларын фонетикалык конкурска чакырат.
Студенттер өтө турган фонетикалык конкурс тууралуу алдын ала маалымат алышты. Катышууну каалагандарга ырлар жана жаңылмачтар таратылды. Поэзияны жана жаңылмачтарды жатка айтуу үчүн катышуучуларды тандап алгандан кийин, аларга кошумча тапшырма берилди – жарышууга Генри Уодсворт Лонгфеллонун “The Arrow and the Song” поэмасын жана жаңы жаңылмачтарды даярдоо.
Бул күнү кызыктуу фонетикалык сынактын алкагында таланттуу катышуучулар ар кандай категориялар боюнча өз өнөрлөрүн көрсөтүшөт. Иш-чара төрт кызыктуу раундду камтыйт, алардын ар бири фонетикалык чеберчиликтин ар кандай аспектилерин сынайт:
- Жаңылмачтар
- Ырларды окуу
- Сценкаларды аткаруу
- Spelling Bee (сөздөрдү айтуу жана жазуу конкурсу)
Калыстар тобу жеңүүчүлөрдү аныктоо үчүн катышуучуларды создөрдү туура айтуусу, эркин сүйлөөсү жана жалпы аткаруусу сыяктуу критерийлер боюнча баалайт. Сынак чакырылган студенттердин атайын музыкалык аткаруусу менен башталат. Сынактын жеңүүчүлөрү 1, 2 жана 3-орундар үчүн дипломдор, ошондой эле атайын сыйлыктар менен сыйланат. Мындан тышкары, сынакта өзүн активдүү көрсөткөн бардык катышуучуларга сертификаттар тапшырылат.
Өткөрүлүүчу жери: Д Блок, 414-каб.
