2024-жылдын 13-мартында IT & Business колледжинин мыкты академиялык көрсөткүчтөргө ээ болгон 48 студентке стипендия тапшыруу аземи болуп өттү. Жогорудагы студенттер эмгекчилдигин жана илимге берилгендигин көрсөтө алышты.
Иш-чара колледждин администрациясы тарабынан уюштурулуп, студенттерге жагымдуу эмоцияларды тартуулады. Стипендия тапшыруу аземине колледждин экономика кафедрасынын башчысы Нуржан Назаркулова, графикалык дизайн кафедрасынын башчысы Элнура Алиева, жалпы билим берүү предметтерди окутуу кафедрасынын башчысы Гулнура Дыйканбаева, ошондой эле тарбия иштери боюнча директордун орун басары Мирлан Сарыбаев катышып, студенттерге колдоо көрсөтүп жатышты.
Иш-чаранын алкагында колледждин директору Эрмек Эсеналиев стипендия ээлерин чын жүрөктөн куттуктап, окууларына жана карьераларына мындан аркы ийгиликтерди каалады. Бул салтанат студенттерди жаңы жетишкендиктерге шыктандырып, колдоо жана дем-күч берүүдөгү дагы бир маанилүү кадам болду.
