2024-жылдын 16-ноябрында АЭУда мектеп окуучулары жана студенттер үчүн JAHO (Jash Story Ala-Too Law History Olympiad) укук тарыхы боюнча олимпиадасы болуп өттү. Иш-чаранын демилгечиси АЭУнун Эл аралык жана бизнес-укук кафедрасынын биринчи курсунун студенти Даниэл Сатыбалдиев жетектеген “Jash Story” жаштар уюму болду.
Олимпиада мектеп окуучулары үчүн дүйнөлүк тарых жана Кыргызстандын тарыхы, ошондой эле студенттер үчүн чет өлкөлөрдүн мамлекет жана укук тарыхы сыяктуу кеңири темаларды камтыды.
JAHOнун максаты – тарыхка кызыккан адамдарды бириктирүү, аларга билимин сыноого жана баалуу сыйлыктарды алууга мүмкүнчүлүк берүү. Иш-чараны уюштурууга билим берүү борборлору жана компаниялар колдоо көрсөтүштү, анын ичинде: “Logos Education Center”, “Kyrgyz Concept”, “Makers”, “Geeks edu”, “Secom”, “Bilimzone”, “American academy”, ошондой эле “Megapay.kg”, “Optima Bank”, “Lakribook”, “Olpok”, “Relief”, “Kettik” жана башкалар.
Олимпиадага мектеп жана студенттик лигалар катышып, алардын ар биринде 1-орундан 5-орунга чейинки жеңүүчүлөр аныкталды. Ошондой эле активдүү катышуучулар интерактивдүү оюндардын алкагында билим берүү курстарынын сертификаттары, китептер жана башка белектер сыяктуу баалуу сыйлыктарды утуп алышты. Иш-чара жаштардын тарыхка болгон кызыгуусун арттырып, интеллектуалдык өсүү жана тажрыйба алмашуу үчүн ийгиликтүү аянтча болду.
Студенттик лига
1. Кочконов Баяз (КОСУ)
2. Байгулов Алибек (АУЦА)
3. Жапаров Бек (КМТУ)
4. Суйунбеков Бактияр (КУУ)
5. Муратбекова Айзирек (ИИМ Академиясы, юриспруденция)
Мектеп лигасы
1. Абышов Данислан (СОШ 107)
2. Шамсабеков Бекмырза (Ак-Бата)
3. Дөөлөталиев Нурэл (Кут-Билим)
4. Монолов Сабырбек (СОШ 85)
5. Абышова Жазиель (СОШ 107)
Сүрөт отчету:
