2024-жылдын 6-7-декабрь күндөрү АЭУнун Юриспруденция кафедрасы тарабынан Бишкектеги ЭККУ Программалык кеңсесинин колдоосу менен уюштурулган Ala-Too Moot Court Competition on Digital Law аттуу маанилүү иш-чара өттү.
Бул конкурс Кыргызстандын жана Казакстандын алдыңкы университеттеринин студенттерин чогултуп, аймактагы укуктук маданияттын жогорку деңгээлин көрсөттү. Катышуу үчүн ондогон командалардан арыздар түшкөн, бирок тандоо турунан мыкты деп табылган 10 команда өттү. Алар төмөнкү окуу жайларды көрсөтүштү:
- “Ала-Тоо” Эл аралык университети
- Борбордук Азиядагы Америкалык университет
- Борбордук Азиядагы Эл аралык университет
- Ош мамлекеттик университети
- Кыргыз-Орус Славян университети
- НАРХОЗ университети (Казакстан)
- Сулейман Демирел университети (SDU, Казакстан)
Судьялар тобуна 20дан ашуун жогорку квалификациялуу адистер – юристтер, окумуштуулар жана мамлекеттик кызматкерлер кирди. Финалдык этапты Кыргыз Республикасынын Санариптик өнүктүрүү министрлигинин алдындагы Жеке маалыматтар боюнча мамлекеттик агенттиктин директорунун орун басары кирген үч судья баалады.
Казакстандын командаларынын катышуусу конкурска эл аралык статус берип, Борбордук Азиядагы кызматташтыкты жана тажрыйба алмашууну бекемдеди. Иш-чара студенттердин юридикалык көндүмдөрүн өнүктүрүүгө жана аймактагы университеттер ортосундагы өз ара байланыштарды чыңдоого чоң салым кошту. Иш-чаранын катышуучуларына, судьяларына жана уюштуруучуларына ыраазычылык билдиребиз жана келечекте жаңы жолугушууларды чыдамсыздык менен күтөбүз!
Сүрөт отчету:
