2024-жылдын 20-декабрында АЭУда Жаңы 2025-жылга арналган майрамдык иш-чара болуп өттү. Университеттин гимни менен башталган программа студенттерди, окутуучуларды жана конокторду чогултуп, баарына унутулгус сезимдерди тартуулады.
Окуу иштери боюнча проректор Рустам Умаров келген конокторду куттуктады. Концерт учурунда көрүүчүлөр музыкалык клубдун аткарууларын, “Vida Dance” жана Элдик бийлер клубунун бийлерин, ошондой эле студенттик кеңештин КВН командасынын миниатюрасын көрүп, майрамдык маанайды сезе алышты. Айрыкча, чакырылган таланттуу ырчы Жийдеш Идрисова аудиторияга өзгөчө таасир калтырды.
Кеченин эң кызыктуу учуру “Enerbeat drumshow” барабанчылар тобу коштогон Адик Жумабековдун жана Максат Токтоналиевдин “mob_dance_studio” бийчилери менен коштолгон кызыктуу шоусу болду. Ошондой эле, студенттер арасында лотерея ойнотулуп, жеңүүчүлөргө проектор, Алиса-станция жана Instax фотоаппараты сыяктуу баалуу белектер тапшырылды.
Иш-чара кубаныч, көңүл ачуу жана 2025-жылга жылуу каалоолор менен жыйынтыкталды!
Сүрөт отчету:
