0%
Brand Image
Loading ...
kir
kir ru_RU en_US

АЭУдагы окууга болгон жеңилдетүүлөр жана каржылык колдоо

АЭУ – студенттердин окуудагы жетишкендиктерин жана материалдык абалын эске алуу менен 5% дан 100% га чейин жеңилдетүүлөрдү сунуштаган жогорку окуу жайлардын бири.

АЭУ абитуриенттерге окууга болгон ар кандай арзандатууларды сунуштайт:
Эл аралык олимпиадалардын (1-2-3-орундар) жеңүүчүлөрүнө физика (IPHO), химия (ICHO), математика (IMO), биология (IBO), информатика (IIO) сабактары боюнча каалаган факультетте окууга 100% жеңилдик берилет. 

11-класстагы (физика, химия, математика, биология, информатика, тарых, география, англис тили, кыргыз тили, орус тили боюнча) Республикалык олимпиаданын жеңүүчүлөрүнө университет каалаган факультетине 1-орунга – 100%, 2-орунга – 50% жана 3-орунга – 40% жеңилдик берүүгө даяр.

  • Жалпы республикалык тестирлөөнүн (ЖРТ) негизги тестинен 219-240 балл алган абитуриенттер каалаган факультетте окуу акысына 100% арзандатуу ала алышат. (Гуманитардык факультет, Информатика жана инженерия факультети, Экономика жана башкаруу факультети, Медицина факультети).
  • Жалпы республикалык тестирлөөнүн (ЖРТ) негизги тестинен 210-218 балл алган абитуриенттер каалаган факультетте 75% арзандатуу менен окуй алышат.
  • Жалпы республикалык тестирлөөнүн (ЖРТ) негизги тестинен 200-209 балл алган абитуриенттер каалаган факультетте 50% арзандатуу менен окуй алышат.
  • Жалпы республикалык тестирлөөнүн (ЖРТ) негизги тестинен 175-199 балл алган абитуриенттер каалаган факультетте 25% арзандатуу менен окуй алышат.
  • Жалпы республикалык тестирлөөнүн (ЖРТ) негизги тестинен 156-174 балл алган абитуриенттер каалаган факультетте 10% арзандатуу менен окуй алышат.
  • Жалпы республикалык тестирлөөнүн (ЖРТ) негизги тестинен 140-155 балл алган абитуриенттер каалаган факультетте 5% жеңилдик менен окуй алышат.
  • 11-классты кызыл аттестат менен аяктаган бүтүрүүчүлөр университеттин каалаган факультетине окууга 20% арзандатуу ала алышат
  • АЭУнун IT & Business колледжин кызыл диплом менен аяктаган абитуриенттерге окууга 25% жеңилдик берилет
  • 9-классты артыкчылык менен аяктаган жана АЭУнун IT & Business колледжине тапшырган абитуриенттерге 10% арзандатуу берилет
  • АЭУнун IT & Business колледжин бүтүргөн бүтүрүүчүлөргө бакалавриат программаларынын биринде окуу үчүн 20% арзандатуу берилет
  • “Сапат” эл аралык билим берүү мекемесинин лицейлерин аяктаган абитуриенттерге 20% арзандатуу берилет
  • 11-класста “Сапат” эл аралык билим берүү мекемесинин “Robotics” сынагында 1-орунду алган абитуриенттер Инженерия жана информатика факультетинде окууга 20% жеңилдик алышат
  • Ата-энесинин экөөнөн тең ажыраган абитуриенттерге 30% жеңилдик берилет. Бардык тастыктоочу документтери болуусу керек
  • Ата-энесинин биринен ажыраган абитуриенттерге 10% жеңилдик берилет. Бардык тастыктоочу документтери болуусу керек
  • 4 жана андан ашык балалуу үй-бүлөлөрдөгү абитуриенттерге 10% арзандатуу берилет (балдардын жашы 22 жашка чейин болушу керек). Бардык тастыктоочу документтери болуусу керек

* Студенттин семестрдин аягында 4 академиялык карызы болсо, жеңилдетүү автоматтык түрдө жокко чыгарылат. Арзандатуу кийинки семестрде студент бардык академиялык карыздарын жапкандан кийин кайра күчүнө кирбейт .

 

**Арзандатуу чеги: студент бир гана арзандатууну колдоно алат.