2024-жылдын 21-апрелинде АЭУнун Эл аралык жана бизнес-укук кафедрасы Бишкек шаарынын 11-класстарынын окуучулары үчүн юридикалык Quest-Quiz иш-чарасын өткөрдү. Уникалдуу иш-чарага ар кайсы мектептерден 30дан ашык окуучу катышты.
Юридикалык Quest-Quiz – окуучуларды юриспруденция жана укук багыттары менен тааныштыруу үчүн интерактивдүү оюн форматы. Иш-чаранын катышуучулары укук, жарандык жана кылмыш иштери боюнча билимдерин текшерип, бир катар кызыктуу тапшырмалар аркылуу логикасын жана аналитикалык жөндөмдөрүн өркүндөтүштү.
Иш-чаранын алкагында мектеп окуучулары ролдук оюнга катышып, детектив катары кылмыш болгон жерлерди казып, далилдерди чогултуп, анализдешти. Бул ыкма катышуучуларга укуктук система жөнүндө түшүнүктөрүн тереңдетүүгө мүмкүндүк берди.
Иш-чаранын уюштуруучулары укуктук маселелер боюнча Kahoot оюнун өткөрүп, төрт жеңүүчүгө баалуу белектер тапшырылды. Өнөктөштөрдүн колдоосунун аркасында ар бир катышуучу билим берүү борборлорунда окууга сертификаттарды алышты.
Юридикалык Quiz-Quiz мектеп окуучуларына укук тууралуу билимин кеңейтүүгө гана жардам бербестен, командада иштөө, сынчыл ой жүгүртүү жана чечим кабыл алуу көндүмдөрүн өнүктүрөт. Ошондой эле, укуктук маданиятты калыптандырууга жана азыркы коомдо мыйзамды сактоонун маанилүүлүгү жөнүндө маалымдуулукту жогорулатууга өбөлгө түзөт.
Сүрөт отчету:
